Kuri iki cyumweru taliki ya 21 Mata 2024, ikipe ya Manchester United yabonye tike yo gukina umukino wa nyuma wa FA cup nyuma yo gutsinda Coventry bigoranye.
Mbere y’umukino Manchester united yahabwaga amahirwe, gusa mu kibuga byaje kugorana bakizwa n’ifirimbi ya nyuma.
Ku munota wa 23, Mc Tominay yafunguye amazamu ku ruhande rwa Manchester united, ndetse ku munota wa 46, Maguire yongezamo baruhuka ari 2-0, bavuye kuruhuka Manchester United yatsindiwe na Captain Fernandez ku munota wa 58, ibintu byasaga nk’ibyarangiye.
Coventry yabagarukanye ibacanaho umuriro, ku munota wa 71, Simms atsindira ikipe ye icya mbere.
Mu gihe Manchester United yibwiraga ko ari ugukoramo gusa, O’Hare wa Coventry, ku munota wa 79, yabavumbye ikindi gitego biba 2-3.
Imirabyo y’amacenga, n’imizinga y’amashoti yari menshi ashwiragiza amashitani atukura, ibyaje kuba bibi cyane ku munota wa 95, aho Wright yatsindaga igitekerezo cyo kunganya kuri Penaliti. 
Aha hari hasigaye gushakira amahirwe ya nyuma muri Penaliti zaje guhira Manchester united United, maze isezerera Coventry kuri Penaliti 4-2.
Ni umukino wabeye i Wembley, ukaba warebwe n’abasaga ibihumbi mirongo inani.
Iyi Manchester United isanze ku mukino wa nyuma mukeba wayo Manchester City, bazahatanira igikombe nyuma y’uko nayo isezereye Chelsea ku gitego 1-0.
