Umutwe wa M23 ubarizwa mu ihuriro Alliance Fleuve Congo, AFC, watangaje ko wishe Umuyobozi w’Intara ya Kivu y’Amajyaruguru, Gen. Maj Peter Nkuba Cirimwami, yiciwe mu mirwano yabereye mu nkengero z’Umujyi wa Goma.
Lawrence Kanyuka, uvugira umutwe wa M23, abinyujije ku rukuta rwe rwa X, yahamije iby’aya makuru y’iyicwa rya Gen. Maj Peter Nkuba Cirimwami.
Yagize ati: “Turamenyesha urupfu rw’Umugaba mukuru wa FDLR, Gen Chirimwani. Yiciwe i Kasengezi ubwo yari yagiye kwifotoreza ku rugamba.”
Ni mu gihe uruhande rwa Kivu y’Amajyaruguru rutaremeza aya makuru, icyakora hari amashusho yari yacucikanye ku mbuga nkoranyambaga avuga ko Gen. Maj Peter Nkuba Cirimwami yagiye ahabera imirwano kugira ngo asubizemo akanyabugabo abasirikare bari ku rugamba.
Gen. Maj Peter Nkuba Cirimwami yanumvikanye anyomoza amakuru yavugaga ko yahunze.
