Kuri uyu wa Gatanu taliki 03 Mutarama 2025, umutwe wa M23 wigaruriye agace ka Katale ko muri Teritwari ya Masisi, nyuma yo kuhirukana ihuriro ry’ingabo za Leta ya Repubulika Iharanira Demokarasi ya Congo.
M23 yigaruriye aka gace nyuma y’imirwano yari ihanganishije impande zombi, yatangiye mu masaha ya saa yine z’igitondo cyo kuri uyu wa Gatanu.
Iyi mirwano kandi yumvikanye mu duce turimo Kibuye, Gatovu ndetse, ndetse no mu duce twa Kamuronza no hejuru ya Bweramana hafi y’i Sake.
Agace ka Katale gaherereye nko mu bilometero bitanu werekeza muri Teritwari ya Masisi.
Agace ka Katale kiyongereye ku tundi turimo Kaniro, Lukopfu ka Kirwa ziriya nyeshyamba ziyobowe na Gen Sultani Makenga zigaruriye ku wa Kane.
Amakuru avuga ko iyo mirwano yiciwemo ingabo 135 zigize ihuriro ry’ingabo za Leta ya Congo, zirimo abarwanyi babiri ba FDLR bo ku rwego rwa ba Colonel.
Amakuru aturuka imbere muri M23 avuga ko abenshi mu bishwe ari abavaga Masisi Zone bagerageza guhunga.
