Muri Repubulika Iharanira Demokarasi ya Congo, umusirikare wo mu ngabo za FARDC, yarashe uwari umukuriye kubera kunyereza umushahara we, aramwica.
Captain Albert Bosin wari ukuriye imari mu mutwe w’akarere ka gisirikare ka 33 k’ingabo za Congo zirwanira mu mazi, yarashwe n’umisirikare witwa Banza Ilunga.
Ibi byabaye ku wa Gatatu taliki 21 Kanama, amurasira mu kigo cya gisirikare cy’ahitwa Karisimbi.
Amakuru avuga ko uyu musirikare yahawe ibisobanuro ku mushahara we amaze amezi 16 atabona ariko ntiyanyurwa, maze akihimura kuri afande we yarashe amasasu 17.
Banza Ilunga nyuma yo kwica afande we, yahise ajya kwirega, atabwa muri yombi.
