Mu Karere ka Kirehe, Umurenge wa Mushikiri, abaturage baguye kuri gerenade yo mu bwoko bwa Totasi, ubwo barimo bacukura umuyoboro w’amazi mugitondo cy’uyu munsi ku wa 07 Ukwakira 2023.
Imana ngo yakinze akabako umuntu wayibonye mu nsina ubwo yacukuraga akayibona ntakintu ayikubise nk’uko bigarukwaho n’abaturage.
Noel Théoneste, nyiri iyi sambu avuga ko yagize ubwoba bwinshi kuko ngo iyi sambu ayimaranye imyaka myinshi kandi ayihinga, avuga ko yatunguwe no kubonamo gerenade.
Aba baturage bahise bitabaza umwe mu basezerewe mu ngabo, abasaba kujya kure yayo kugira ngo niyo yaturika itagira uwo ihitana.
Inzego zishinzwe umutekano zirimo ingabo zahise zihagera zivuga ko nubwo ishaje ikiri nzima, ituritse yahitana ubuzima bw’abaturage.
SRC: Umuryango
