Umuhanzi Ntakirutimana Danny, wamamaye ku izina rya Danny Nanone nyuma y’igihe kirekire ajyanwe mu rukiko n’uwo babyaranye, ategetswe kujya amuha indezo ndetse akaniyandikishaho umwana.
Ni icyemezo cyafashwe kuwa 21 Nyakanga 2023, ubwo urukiko rw’ibanze rwa Kicukiro rwapfundikiye urubanza, rutegeka ko Danny Nanone azajya atanga indezo ingana n’ibihumbi ijana (100,000 rwf) mu gihe cy’ukwezi.
Danny Nanone kandi yategetswe kwiyandikishaho umwana we mu irangamimerere, kandi agomba kwishyura amagarama y’urubanza angana n’ibihumbi icumi (10,000 rwf) bitarenze igihe cyagenwe bitaba ibyo agakurwa mu bye ku ngufu za Leta.
SRC:YegoB
