Urukiko Rukuru rwa Amerika rwasohoye Ingingo y’uko abakuru b’igihugu cya Amerika, bashobora kudakurikiranwa ku byaha bimwe na bimwe, ingingo yashyize Perezida wa Amerika, Joe Biden mu gihirahiro.
Perezida Joe Biden yanenze iyi ngingo, Urukiko ruherutse gushyira ahagaragara ku wa Mbere, avuga ko itabanje gusuzumwa kuko ngo ishobora gutuma habaho abategetsi birengagiza amategeko.
Iyo ngingo ijyanye n’amakuru y’ibyaha uwahoze ari Perezida wa Amerika Donald Trump ashinjwa ko ashobora kuba yarakoze, bijyanye no kukwivanga mu bikorwa bijyanye n’amatora y’umukuru w’igihugu yo mu mwaka wa 2020.
Perezida Joe Biden mu ijambo yavuze ku wa Mbere ubwo yari mu biro by’Umukuru w’Igihugu ‘White House’, yagize ati: “Nta n’umwe uri hejuru y’amategeko, naho yaba ari umukuru w’igihugu cya Amerika.”
Perezida Joe Biden yavuze ko we agiye gukomeza kubahiriza amategeko, hamwe no kudakora ibirenze ububasha ahabwa nk’umukuru w’igihugu.
Ati: “Umukuru w’igihugu uwo ari we wese hisunzwe iyo ngingo, harimwo na Donald Trump, ubu azaba afite ububasha bwo kutubahiriza amategeko.”
Iyi ngingo ikimara gushyirwa hanze, byashimishije Donald Trump avuga ko kuri we ari intsinzi.
