Kuri uyu wa Gatatu taliki ya 29 Gicurasi mu masaha ya saa tatu za mugitondo Perezida wa Repubulika y’u Rwanda Paul Kagame yageze i Nairobi muri Kenya aho yitabiriye inama ngarukamwaka ya 59 ya BANK Nyafurika Itsura Amajyambere (BAD).
Amakuru dukesha Ikinyamakuru Igihe.com nacyo gikesha Ibiro by’Umukuru w’Igihugu Village Urugwiro cyanditse kivuga ko Perezida KAGAME aza kwitabira Ikiganiro cy’Abakuru b’Ibihugu kiza kugaruka ku “Iterambere ry’Afurika , irya Bank Nyafurika Itsura amjyambere (BAD) ndetse n’amavuurura akenewe mu rwego mpuzamahanga rw’Imari”
Umukuru w’Igihugu biteganijwe ko aza guhurira mu kiganiro na mugenzi we wa KENYA William Ruto n’Abandi bayobozi.
Ni ikiganiro kibanzirizwa n’ikiza gutangwa na Perezida wa Bank Nyafurika Itsura Amajyambere BAD Dr. Akinwumi Adesina n’irya Perezida wa Banki y’Iterambere y’Abayisilamu, Muhammad Al Jasser.
Ni Inama ibaye mu gihe iyi Bank iri kwizihiza Imyaka 60 Imaze Ishinzwe no kwishimira uruhare yagize mu gutera inkunga imishinga itandukanye hirya no hino muri Afurika aho imaze gutera inkunga imishinga irenga gato 5000 y’Iterambere muri Afurika.
PEREZIDA KAGAME ARI I NAIROBI MURI KENYA.
