Kuri uyu wa Kabiri tariki ya 26 Werurwe 2024, mu masangano y’umuhanda(Round about) ya Kayonza,umurenge wa Mukarange habereye impanuka.
Iyi mpanuka ikaba yabaye ku isaha ya saa 18:50 z’umugoroba, mu masangano y’umuhanda mu Mujyi wa Kayonza,nibwo ivatiri yari iturutse mu muhanda wa Ngoma- Kayonza yagonze umusekirite wari uvuye mu kazi n’ikamyo yari itwaye kontineri ivuye muri Tanzania.
Ababonye iyi mpanuka,bavuze ko umusekirite ukorera Kampani ya Diecel Security Company Ltd irinda Sitasiyo ya Mount Meru i Nyagatovu mu karere ka Kayonza yageze muri Round-point akava ku igare ategereje ko ikamyo ya Scania ikata, agahita agongwa n’iyi vatiri.
Ubwo twakoraga iyi nkuru, amakuru avugako uyu musekirite wagonzwe yajyanywe kwa muganga i Gahini.
