Igikorwa cy’ubugenzuzi buhuriweho n’inzego zitandukanye bugamije kuzamura ireme ry’uburezi kirarimbanyije. Abagenzuzi barimo kugenzura ibintu bitandukanye birimo imiyoborere n’imicungire y’ibigo by’amashuri, ubunyamwuga n’ubushobozi mu myigire n’imyigishirize,
Mu butumwa Ikigo k’Igihugu gishinzwe Ibizamini n’Ubugenzuzi bw’Amashuri NESA cyanyujije ku rukuta rwa X buvuga kandi ko hari kugenzurwa uburyo bwo gukoresha ikoranabuhanga mu burezi, isuku n’isukura mu mashuri, ikibazo cy’inda zitateganyijwe ku ngimbi n’abangavu mu mashuri, ikoreshwa ry’ibiyobyabwenge, ishyirwa mu bikorwa rya gahunda yo kugaburira abanyeshuri ku ishuri, guta ishuri no kutaryitabira uko bikwiriye.
