Ubuyobozi bw’ikipe ya Rayon Sports bwatangaje ko umukinnyi uyikinira ataha izamu Rudasingwa Prince, yerekeje mu igeragezwa ku mugabane w’i Burayi.
Mu rukerera rwo kuri uyu wa Kane ni bwo ikipe ya Rayon Sports ibinyujije ku rubuga rwayo rwa ‘X’ yavuze ko Rudasingwa Prince yerekeje mu gihugu cya Latvia.
Bati “Rutahizamu wa Rayon Sports, Rudasingwa Prince yafashe indege ijya ku mugabane w’i Burayi muru Latvia. Agiye gukora igeragezwa ry’ukwezi mu ikipe ya Riga Football Club.”
Rudasingwa Prince ni umwe mu bakinnyi Rayon Sports yerekanye mbere yo gutangira umwaka wa shampiyona 2023-2024.
