Mu majyepfo ya Pakistan, mu gace ka Balochistan habaye iturika ry’igisasu rihitana abantu bagera kuri 50 abandi 50 barahakomerekera.
Polisi ya Pakistan mu gace ka Balochistan kuri uyu wa gatanu Taliki 29 Nzeri 2023, yatangaje ko muri ako gace haturukiye igisasu ku musigiti ubwo abayoboke b’idini ya Islam bari bazindukiye mu isengesho ryo kwizihiza ivuka ry’umuhanuzi Muhammad.
Abdul Khaliq Sheikhmuri, Umuyobozi wa Polisi muri ako gace, yemereye BBC ko ari igitero cy’Ubwiyahuzi n’ubigizi bwa nabi n’ubwo ntawari wigamba iki gitero.
Anwar-Ul-Haq Kakar, Minisitiri w’Intebe wa Pakistan muri iki gihe yatangaje ko yababajwe n’iryo turika anihanganisha ababuriye ababo muri iri turika.
Ibiro bya Minisitiri w’Intebe byanditse biti “Minisitiri w’Intebe ababajwe ndetse anihanganisha imiryango y’ababuriye ababo muri iryo turika… Minisitiri w’Intebe arasabira abapfuye kandi aranihanganisha imiryango yabo.”
