Rulindo: Burega banyoye ikigage bikekwa ko gihumanye babiri bari mu bitaro

Abaturage 17 bo mu murenge wa Burega,Akagari ka Butangampundu mu midugudu ya Kerera na Mayaga baguwe nabi n’ikigage banyoye bikekwako gihumanye.

Kuri uyu wa 26 Nzeri 2023 nibwo bazinduwe bajyanwa ku Kigo Nderabuzima cya Kiyanza baribwa mu nda baruka abandi bacibwamo nk’uko bivugwa n’umwe mu bababonye.

Byabaye ngombwa ko hitabazwa abaganga, ibitaro bya Rutongo byohereza abaza gutanga ubutabazi bw’ibanze.

Bafashijwe ariko kuri ubu hari abaraye mu bitaro bikuru bya Rutongo, nk’uko Gitifu w’umurenge wa Burega Kabayiza Alcade yabitangarije UMURUNGA

Ati:” Nibyo banyoye ibigage bibagiraho ingaruka twabyiriwemo ariko uko bari 17 bagize ikibazo kugeza kuri ubu batashye hakaba hasigaye 7 baraye ku Kigo Nderabuzima cya Kiyanza n’abandi 2 bajyanywe ku bitaro bya Rutongo.

Amakuru avuga ko ibi bigage babinyoye ku muntu witwa Papias usanzwe abicuruza. Babinyoye ngo bavuye mu itsinda ku Cyumweru, birangira bibaguye nabi.

Bimaze iminsi bivugwa hirya no hino ko ubushera n’ibigage birimo kugwa nabi ababinnywa ndetse hakaba n’igihe hari abo byambuye ubuzima.

Soma inkuru isa n’iyi y’ibiherutse kubera mu murenge wa Cyinzuzi  uhana imbibi n’uyu wa Burega …

Rulindo-Cyinzuzi: Banyoye ubushera bubagwa nabi, biravugwako hari n’uwo bwahitanye.