Kuri uyu wa Gatanu tariki ya 01/09/2023 irushanwa ry’umupira w’amaguru ryateguwe n’Umurenge SACCO ICYEREKEZO MUSHISHIRO ryakomeje, aho imikino 2 yombi yabereye ku kibuga I Nyanza yose irangiye amakipe anganyije.
Umukino wa mbere wahuje ikipe ya Motar FC na Rukaragata zo mu itsinda A, aho umukino warangiye ari ibitego 2 kuri 2, bituma izi kipe zombi zikomeza kunganya amanota ari nazo ziyoboye iri tsinda.
Umukino wa kabiri wahuje ikipe ya NYAGASOZI na MUNAZI zo mu itsinda rya B aho umukino urangiye zombi nta yiteye mu izamu.
Abafana n’abakinnyi bongeye kwikoma imisifurire by’umwihariko abo ku ruhande rwa NYAGASOZI, iki kikaba ikibazo gikomeje kuranga iri rushanwa kuko no ku mikino iheruka nabwo cyari cyagaragaye.
Nk’uko bisanzwe ubuyobozi bwa SACCO ICYEREKEZO MUSHISHIRO bwatanze ubutumwa bugenewe abitabiriye iyi mikino, bwiganjemo serivisi z’imari SACCO itanga.
Iyi mikino yasozaga umunsi wa kabiri w’iri rushanwa usize mu itsinda rya A rihagaze ku buryo bukurikira.
1. RUKARAGATA, amanota 4 n’ ibitego 5 izigamye.
2. Motar FC, amanota 4 n’igitego 1 izigamye.
3. MATYAZO, amanota 3 nta gitego izigamye nta n’umwenda w’ibitego ifite.
4. RWASARE, nta nota na rimwe ifite umwenda w’ibitego 6.
Itsinda B
1. LEOPARD FC, amanota 6 n’ibitego 3 izigamye.
2. MUNAZI, amanota 4 n’umwenda w’igitego 1.
3. NYAGASOZI, amanota 2 n’umwenda w’igitego 1
4. RWIGERERO, inota 1 n’umwenda w’igitego 1.
Biteganyijwe ko kuri uyu wa Gatatu tariki ya 06/09/2023 aribwo imikino isoza amatsinda yose izarangira, aho MATYAZO izakina na RUKARAGATA ku kibuga cyo mu Giperefe saa Kenda z’amanywa, RWIGERERO ikine na Leopard FC I Nyanza saa munani, Motar FC ikine na RWASARE saa kumi I Nyanza.
