Mu Karere ka Rwamagana haravugwa inkuru y’uko uwitwa Kabera Samuel wakekwagaho kwica uwarakotse Jenoside, yarashwe agahita apfa ubwo yageragezaga gucika Polisi.
Uyu mugabo w’imyaka 33 y’amavuko yari yajyanwe ngo yerekane aho yahishe ibikoresho yifashishije yica Sibomana Emmanuel w’imyaka 57 y’amavuko warokotse Jenoside yakorewe Abatutsi mu 1994 wari umuturanyi we.
Sibomana yari atuye mu Karere ka Rwamagana, Umurenge wa Gishari ho mu Kagari ka Ruhimbi, yishwe ku wa 13 Ukuboza uyu mwaka, ahagana saa mbiri n’igice z’ijoro akubiswe ipiki n’umuturanyi.
Amakuru avuga ko ubwo yatangiraga kwiruka abaturage bari hafi aho bagerageje kumwirukaho ari nako polisi nayo imuri inyuma ndetse banarasa hejuru akomeza kwiruka, umupolisi abonye nta kundi aramurasa. (Bwiza)
