Mu Karere ka Rulindo ikirombe cyagwiriye abantu icumi, bane bavamo bajyanwa kwa muganga abandi batandatu baracyarimo.
Ibi byabaye kuri uyu wa Gatatu taliki 24 Nyakanga 2024, bibera mu Mudugudu wa Kamatongo mu Kagari ka Budakiranya mu Murenge wa Cyinzuzi.
Abaturage bahaturiye bavuga ko icyo kirombe cyabaridukiye mu gihe cya saa sita z’amanywa, bakavuga ko kugeza magingo aya abo batandatu bakirimo hari gushakishwa uko bahabwa ubutabazi.
Gitifu w’umusigire w’Umurenge wa Cyinzuzi, Benda Theophile, yahamije aya makuru avuga ko aba bantu bacukuraga mu buryo butemewe n’amategeko.
