Mu Karere ka Nyarugenge hafi y’aho Umurenge wa Muhima ugabanira n’uwa Gikondo hagaragaye umurambo w’umukecuru uri muri ruhurura.
Kuri uyu wa Gatatu tariki 07 Gashyantare 2024, mu masaha y’igicamunsi nibwo umurambo w’uyu mukecuru wagaragaye.
Amakuru avuga ko uyu mukecuru bishoboka ko yishwe n’amazi y’imvura yaguye ku wa Gatanu kubera ko umubiri we wari watangiye kwangirika.
Uyu mukecuru akomoka mu Murenge wa Nyamirambo, nk’uko Mukandori T. Grace, Umunyamabanga Nshingwabikorwa w’Umurenge wa Muhima yabibwiye Ikinyamakuru Igihe.
Uyu murambo ukiboneka, inzego zibishinzwe zahise ziza ziwukura mu mazi ziwushyikiriza umuryango wa nyakwigendera.
