Tuyizere James w’imyaka hafi 21 y’amavuko wagaragarijwe imyirondoro nk’Umunyarwanda bigaragara ko indangamuntu ye yatangiwe mu Karere ka Nyabihu yasanzwe iruhande rwa Kompanyi ya Horizon Bus Company yitabye Imana.
Urubuga rwa Phoenix rutangaza ko ku wa 29 Mutarama 2024, uyu musore yavaga i Kampara yerekeza Kisoro-Kabale kuri uwo munsi ni nabwo umurambo we wagaragaye.
Umwe mu bagenzi witwa Nshuti Naturinda wabonye umurambo wa nyakwigendera, yabwiye umunyamakuru wa Phoenix ko umurambo wabonetse uwo munsi mu gihe cya saa 10h00 za mu gitondo mu Mujyi wa Kabale iruhande rw’aho imodoka zitwara abagenzi zari ziparitse.
Naturinda yakomeje abwira Umunyamakuru ko amakuru y’urupfu rw’uyu musore yemejwe n’igipolisi cyo kuri sitasiyo ya Kabale muri Uganda, kugeza ubu icyo uyu musore yaba yarazize ntikiratangazwa. Amakuru avuga ko umurambo wajyanywe ku Bitaro bya Regional Refferal Hospital ngo ukorerwe isuzuma hamenyekane icyaba cyahitanye ubuzima bwe.
Magama Hamis we yabwiye Dailynation ko uyu musore byagaragaye ko yavuye i Kampara arwaye kuko ngo yaje mu modoka aruka bisa nk’aho yataye ubwenge, baramwimura bamutwara mu myanya y’inyuma ariko uko bigiraga imbere niko yarushagaho kuremba.
