Rutahizamu wa Kiyovu Sports, Obediah Mikel Freeman, kubera ideni aberewemo yafatiriye ibikoresho by’ikipe birimo imipira.
Kuva uyu mwaka w’imikino watangira, iyi kipe ikomeje kugorwa n’ibibazo by’amikoro, ndetse hongeye kugaragara ibibazo by’amadeni Kiyovu Sports ibereyemo abakinnyi.
Ku wa Mbere tariki 08 Mutarama 2024, ubwo iyi kipe yari igiye mu myitozo, Obediah kwihangana byaramunaniye afatira ibikoresho avuga ko abisubiza ari uko yishyuwe.
Amakuru avugo ko byibura uyu mukinnyi yabasabaga ibihumbi 300 Rwf muyo bamubereyemo kugira ngo abibasubize ikipe ikomeze imyitozo.
Ariko uyu mukinnyi yabaye ahawe ibihumbi 150 Rwf, yemera gutanga ibikoresho ikipe ikomeze imyitozo.
Kugeza ubu nta muntu n’umwe w’umuyobozi ubarizwa muri Kiyovu Sports wari wagira icyo abivugaho.
Kubera kwirukana Ndikumana Codjifa mu buryo bunyuranyije n’amategeko, FIFA iherutse gufatira ibihano iyi kipe yo ku Mumena ko itemerewe kwandikisha abakinnyi bashya.
