Mu Karere ka Gicumbi ku wa Mbere tariki 27 Ugushyingo 2023, umwana w’imyaka umunani y’amavuko yishe umuvandimwe we w’imyaka itanu amukubise isuka mu mutwe.
Ibi byabereye mu Karere ka Gicumbi, Umurenge wa Ruvune ku mugoroba wo ku wa Mbere, ubwo bakinishaga isuka yo mu bwoko bwa Majagu nyina yari avanye guhinga muri uwo mugoroba.
Umwana w’umuhungu niwe wishwe na mushiki we mu gihe nyina yari ahugiye mu mirimo yo mu gikoni, umugabo we atarataha ibyago bibagwira bityo muri uwo mugoroba.
Iyamuremye Innocent, umukozi ushinzwe Irangamimerere mu Murenge wa Ruvune, yemeje aya makuru mu masaha ya saa moya z’ijoro ku wa 27 Ugushyingo.
