Umusore witwa Patrick Irungu, w’imyaka 36 wo mu gihugu cya Kenya, yasanze nyina atetse igitoki aho guteka ubugari ahita amwica, abaturage bahageze n’umujinya nabo baramukubita kugeza apfuye.
Ibi byabereye mu gihugu cya Kenya mu Ntara ya Murunga’a, amakuru avuga ko uyu musore yagiranye amakimbirane na nyina witwa Wagdalen Wangechi aturutse ku kuba yaratetse igitoki aho guteka ubugari.
Muri ayo makimbirane, umusore yahise afata umupanga atema nyina umubyara amuca umutwe.
Abaturage bumvise induru bahuruye basanga ni umusore umaze gutema nyina, n’umujinya mwinshi nabo bakubita uwo musore kugeza ashizemo umwuka.
