Tuyizere Amani Olivier umuhungu wa Minisitiri w’Ingabo mu Rwanda Marizamunda Juvénal, aherutse gutoroka Igororero rya Nyarugenge yari amazemo igihe afungiwemo.
Hashize iminsi mike uyu muhungu atorotse ibitaro bya Nyarugenge nk’uko Manirakiza Théogene, Umunyamakuru, uherutse gufungurwa by’agateganyo abitangaza.
Uyu musore usanzwe ari umuhanga mu ikoranabuhanga yari afungiye ibyaha by’ubujura bwifashishije ikoranabuhanga. Uyu musore yigeze gutanga ubuhamya avuga ko ariwe wafashije CSP Kayumba Innocent wayoboraga iri gororero kwiba umugororwa w’umunyamahanga amafaranga y’u Rwanda miliyoni 9.1.
SP Rafiki Kabanguka Daniel, Umuvugizi wa RCS, yatangarije umunyamakuru Manirakiza Théogene koko ko Amani yatorotse ubwo yari mu Bitaro bya Nyarugenge, avuga ko hari abacungagereza bari gukurikiranwaho uburangare.
Tuyizere Amani Olivier ntiharamenyeka aho aherereye, mu gihe iperereza rigikomeje.
