Ingabo za Leta ya Congo (FARDC), zikomeje guhangayikisha abaturage benshi bo muri iki gihugu aho hagenda hivanamo umwe kuri umwe akiyunga ku mutwe wa M23 urwanya Leta ya Congo, ni mu gihe ku munsi w’ejo undi musirikare witwa Lt Colnel Kanefu Mutambira Isaac yiyomoye kuri FARDC akiyunga kuri M23.
Uyu musirikare wakoreraga muri Teritwari ya Masisi, mu Ntara ya Kivu y’Amajyaruguru, yitandukanyije na FARDC nyuma y’umusirikare witwa Captain Kabongo Rukatira uherutse kwicwa azira ko akomoka mu bwoko bw’Abatutsi, yiciwe mu Mujyi wa Goma.
Lt Colnel Kanefu, yahoze ari umwe mu basirikare bavuga rikijyana, avuka mu bice bya Gurupoma ya Bijombo, mu misozi miremire y’Imulenge, mu Ntara ya Kivu y’Amajyepfo. Yahoze mu mutwe w’inyeshyamba wa RCD Goma.
