Patrick Muyaya, Umuvugizi wa Leta ya Congo, yikomye u Rwanda ubwo yavugaga ko u Rwanda rwavuze ko guhagarika amatora ataricyo gisubizo.
Leta ya Congo ivuga ko abaturage bagera kuri miliyoni 1.5 bitazaborohera gutora, kubera ko bari mu duce twigaruriwe n’umutwe wa M23.
Patrick Muyaya, Umuvugizi wa Leta ya Congo yavuze ko Leta ishaka gutuza abaturage barenga miliyoni ahantu hadatuwe, kuko abari bahatuye bahunze imirwano M23 ihanganyemo na Leta ya Congo.
Patrick Muyaya yagize ati: “Birashoboka ko bitazorohera komisiyo y’amatora kugera mu bice bigenzurwa na M23, ni mu gihe u Rwanda rwo ruvuga ko gusubika amatora ataricyo gisubizo.”
BBC yatangaje ko umuvugizi wa Leta y’u Rwanda Yolande Makolo, yavuze ko u Rwanda rudakwiye gushyirwa mu majwi y’uko rufasha M23, ahubwo RDC ariyo yakomeje kwirengagiza ibiganiro by’amahoro byagiye bitegurea mu bihe bitandukanye.
Kugeza ubu M23 ifite bimwe mu bice birimo Masisi na Rutshuru, bivugwa ko Leta itakoroherwa kuhageza ibikoresho by’itora kubera ko M23 ihabarizwa.
Amatora muri RDC ateganyijwe muri uyu mwaka mu Kuboza.
