Kuri uyu wa kane tariki 03 ukwakira 2024, umunyamabanga wa leta muri minisiteri y’ubuzima (MINISANTE), Dr. Ivan BUTERA, yatangaje ko u Rwanda rwiteguye gutangira kugerageza urukingo n’ubuvumbuzi bwo kuvura icyorezo cy’umuriro mwinshi giterwa na virusi ya Marburg.
Iki cyorezo cy’umuriro mwinshi giterwa na virusi ya Marburg, cyemejwe bwa mbere ko cyageze mu Rwanda mu mpera z’ukwezi kwa nzeri 2024, kikaba kimaze guhitana abantu 11 kugeza ubu, mu gihe abamaze kwandura bose hamwe ari 36 naho abakitabwaho na muganga bakaba ari 25. Nta numwe biremezwa ko yakize iki cyorezo.
