Kuri uyu wa Kabiri taliki 20 Kanama 2024, umugabo ukurikiranyweho kwica no kujugunya imirambo y’abagore benshi muri kariyeri ishaje, yatorotse kasho ya Polisi yo mu Murwa Mukuru i Nairobi muri Kenya.
Uyu mugabo witwa Collins Jumaisi yatawe muri yombi mu kwezi gushize, nyuma yo kuvumbura byibuze imirambo itandatu ipfunyitse mu mifuka ya pulasitike muri kariyeri ya Kware, kuri ubu ikoreshwa nk’ikimoteri cy’ibishingwe.
Reuters yatangaje ko Resila Onyango, uvugira Polisi yavuze ko yatorotse Sitasiyo ya Polisi ya Gigiri ari kumwe n’abenegihu 12 ba Eritrea.
Polisi ivuga ko uyu mugabo ukekwaho yemeye ko yishe abagore 42 barimo n’uwari umugore we, ariko umwunganizi we yabwiye Urukiko ko yabyemeye nyuma yo gukorerwa iyicarubozo.
Abashinjacayaha bo bahakana ko Collins Jumaisi atigeze afatwa nabi.
