Mu ijoro ryo kuri uyu wa Gatatu taliki 14 Kanama 2024, abafana b’ikipe ya APR FC Zone 1 bakoze impanuka ubwo bari mu nzira berekeza muri Tanzania gushyigikira ikipe yabo.
Iyi mpanuka yabereye mu Karere ka Rwamagana i Nyagasambu, ubwo bisi ya Sosiyeti itwara abagenzi ya Matandu Express barimo yagonganaga n’ikamyo.
Abafana bane nibo bakomerekeye bikomeye muri iyi mpanuka, nk’uko byatangajwe n’umwe mu bayobozi b’abafana ba APR FC, Kabange Sam.
APR FC izakina na Azam FC yo muri Tanzania, ku Cyumweru taliki 18 Kanama 2024, mu mukino ubanza w’ijonjora ry’ibanze rya CAF Champions League, uzabera i Dar es Salaam.
