Abanyeshuri batatu biga mu Ishuri ryisumbuye rya Kayonza Modern ( ES Kayonza Modern) bageze mu Rwanda bavuye mu Busuwisi aho batahanye ibikombe n’impamyabushobozi.
Aba banyeshuri bageze I Kigali kuri uyu wa Mbere tariki ya 1 Nyakanga 2024, bavuye mu irushanwa ryiswe “Villars Global AI Hackathon & Symposium 2024” ryaberaga mu Busuwisi.
Nelson MBARUSHIMANA,Umuyobozi mukuru w’Ikigo cy’Igihugu Gishinzwe Uburezi bw’Ibanze mu Rwanda, yakiriye aba banyeshuri anabaha impanuro.
Ati:” Ubwenge buhangano ( Artificial intelligence) ni umusingi uzafasha abanyeshuri bacu gutsinda neza Siyansi, Tekiniloji, n’ubuhanga. Turifuza gusohora abanyeshuri bashobora guhatana ku isoko ry’umurimo imbere mu gihugu, mu karere no ku rwego rw’Isi.
