Abantu bane bo mu muryango umwe bapfuye bazize impanuka y’imodoka bakoze ubwo bari bavuye mu bukwe mu Mujyi i Dar es Salaam basubiye iwabo ku ivuko mu Ntara ya Kilimanjaro mu Karere ka Rombo muri Tanzania.
Iyi mpanuka yabaye mu ijoro ryo ku wa Mbere taliki 24 Kamena 2024, itewe n’imodoka yo mu bwoko bwa Toyota Noah yataye umuhanda igahita ibirinduka abantu bane bagahita bahasiga ubuzima.
Abishwe n’impanuka ni nyina w’umusore wari wakoze ubukwe witwa Luka Cecilia, n’abandi bavandimwe b’uwo musore ari bo Godfrey Michael na Judith Michael.
Muri iyo mpanuka hari abandi benshi bakomeretse ariko ntabwo hatangajwe umubare wabo.
