Uwabaye umunyamakuru w’ibiganiro by’ubukungu mu rwego rw’igihugu rw’itangazamakuru (RBA), Jeannette Uwababyeyi, yashyikirije Komisiyo y’Igihugu y’Amatora kandidatire ye ku mwanya w’Umudepite mu cyicaro cyihariye cy’abagore.
Kuri uyu wa Mbere taliki 27 Gicurasi 2024, nibwo yatanze kandidatire ye nk’umukandida wigenga ushaka kuba mu Nteko Ishinga Amategeko nk’uhagarariye icyicaro cy’abagore.
Jeannette Uwababyeyi usigaye ukora mu kigega cya Leta cyo kubitsa no kwizigamira, RNIT Iterambere Fund, yahoze ari umunyamakuru wa RBA.
NEC, yatangiye kwakira kandidatire z’abifuza kwiyamamaza mu matora ku mwanya w’Umukuru w’Igihugu n’uw’Abadepite kuva ku wa 17 Gicurasi 2024, igikorwa kizarangira ku wa 30 Gicurasi 2024.
