Abarimu batize uburezi bari mu masomo azabafasha kuba abanyamwuga. Aba barimu bashyizwe mu byiciro 2, aho icyiciro cya mbere kiri kwitabira aya masomo kugeza mu kwezi k’ Ukuboza uyu mwaka. Kuri uyu wa 12 Gicurasi aba barimu bagomba gukora isuzumabumenyi rya mbere.
Amakuru Umurunga wamenye ni uko aba barimu bagomba gukora amabazwa/amasuzumabumenyi atatu kuri buri module ni ukuvuga isuzumabumenyi ryo hagati ( Middle-Assessment), isuzumabumenyi risoza ( Final assessment), ndetse n’ikizamini ( Final exam).
Ni muri urwo rwego kuri iki Cyumweru aba barimu biteganyijwe ko bakora iri suzumabumenyi hifashishijwe ikoranabuhanga.
Andi makuru Umurunga wamenye ni uko umwarimu utazitabira aya masomo nibura ku kigero cya 80/100 azafatirwa ibihano, ndetse nuzatsindwa aya mabazwa munsi ya 70/100 nk’uko bikubiye mu masezerano.
