Ikigo cy’Igihugu gishinzwe Uburezi bw’Ibanze (REB) cyatangaje ko cyakiriye mudasobwa 60 zo gushyigikira abarimu bafite ubumuga ndetse n’abarimu b’abanyeshuri bafite ubumuga.
Izi mudasobwa zo mu bwoko bwa Lenovo zakiriwe n’umuyobozi w’ishami rishinzwe serivisi ( Corporate Service Division Manager) Bwana Janvier NKURIKIYINKA, kuri uyu wa Gatanu tariki ya 12 Mata 2024.
Izi mudasobwa ni impano yatanzwe na Mastercard Foundation ndetse na African Institute for Mathematical Sciences ( AIMS Next), mu rwego rwo guteza imbere uburenganzira bw’abafite ubumuga.
