Mu gihe imikino ya Shampiyona mu Budage irimbanyije, umutoza wa Bayern München, Thomas Tuchel yamaze kumanika amaboko apfukamira Bayern Liverkusen.
Ibi byabaye nyuma y’uko ikipe atoza ya Bayern München itsinzwe na Borussia Dortmund ibitego 2-0 kuri uyu wa Gatandatu taliki 31 Werurwe 2024.
Uyu mutoza wumvikanye yikoma abakinnyi be ko nta bwitange n’umurava bagifite, yanikomye abasifuzi avuga ko ubunyamwuga bwabo bumukomye mu nkokora.
Yagize ati”Turatengushywe, nta murava n’ubwitange twakinanye kandi ibi biba bikenewe ngo ubone intsinzi. Muri rusange amakipe yose ntabwo yakinnye neza gusa tubuze intsinz. Twirangayeho, ku munota wa 26, Harry yabonye amahirwe ayapfisha ubusa, Mats Hummels nawe yadutengushye. ”
Uyu mukino wasojwe n’ibitego bya Adeyemi ku munota wa 10, na Ryerson ku munota wa 83.
Kugeza ubu Thomas abona ko Bayern Liverkusen ari yo ihabwa amahirwe yo gutwara Bundesliga uyu mwaka, kuko ari yo ya mbere n’amanota 73, aho yahise irusha Bayern München amanota 13, kuko yo ifite amanota 60.
