Nyanza:Umugabo yasanganywe umurima w’urumogi

Sam KaberaMarch 21, 20241 Mins read294 Views

Mu karere ka Nyanza mu murenge wa Kigoma mu kagari ka Mulinja mu Mudugudu wa Muramba, hasanzwe umurima wahinzwemo urumogi.

Abaturage bafatanyije n’inzego z’ibanze kuri uyu wa 21 Werurwe 2024, RIB Sitasiyo ya Kibirizi na DASSO hafashwe umugabo witwa Nsengimana w’imyaka 38 y’amavuko bikekwa ko yahinze urumogi mu murima w’amasaka no mu gikari.

Hamenyekanye amakuru ko ziriya nzego zasanze mu murima ibiti 68 by’urumogi ndetse n’ibindi bitatu byumye uriya ukekwa yari yarasaruye byose hamwe bikaba 71.

Uyu ukekwa yashyikirijwe RIB Sitasiyo ya Kibirizi n’urumogi yafatanywe kugira ngo akurikiranwe.

Gitifu w’umurenge wa Kigoma Cyambari Jean Pierre yemeje ko biriya byabaye ariko ntiyagira byinshi atangaza.

Urumogi ni ikiyobyabwenge kiri mu bitemewe mu Rwanda, Leta ihora ihanganye n’abarwinjiza mu gihugu cyangwa abaruhinga mu buryo butemewe.

Previous post Gisagara:Meya yahakanye ibyo kwaka amafaranga abarimu afasha ikipe

Next post RDC: Imirwano y'uyu munsi hagati ya M23 na FARDC yangije ibikorwa remezo

Written by

Sam Kabera

or Message me on 250 783618487 UBUREZI,UBUVUGIZI NIBWO DUSHYIRA IMBERE. Sam Kabera yatangiye itangazamakuru kuva mu mwaka wa 2015 mu binyamakuru birimo Nonaha.com,Hanga.rw n'ibindi bitandukanye birimo na Television.