Muri Repubulika ya Demokarasi ya Congo, Igisirikare cya Uganda kirashinjwa kwica abasivile icumi.
Mu gace kari hafi y’umupaka wa Congo na Uganda, muri Teritwari ya Rutshuru, mu mirwano yahabereye haravugwa ko hapfiriye abasivile benshi bishwe n’Igisirikare cya Uganda.
Amakuru atangazwa na Zone ya Busanza ibarizwamo umutwe wa M23.
Amakuru avuga kandi ko “Ingabo za Uganda zishe abantu 13 barimo abagore n’abana mu gace ka Nyundo, muri Nyabirege hafi ya Kaseke.”
Haravugwa abantu umunani bishwe bari abahinzi n’abarozi barimo abagore bane n’umwana umwe.
Uwatanze amakuru warokotse ubwo bwicanyi avuga ko “Ku wa 26 Gashyantare 2024, yiboneye umurongo munini w’Abasirikare ba Uganda batwaye intwaro n’udufuka, baca ku mupaka uhuza ibihugu byombi ahagana saa cyenda z’amanywa.”
Arakomeza ati: “Abasirikare batandatu bari bitaruye uwo murongo bagamije gutera abaturage nk’uko abivuga. Uyu avuga ko mu gihe umusirikare yicaga umuntu wa mbere, yahise agwa mu cyobo aho batabashije kumubona, yavuye aho yerekeza ahandi ajya kwihisha.”
Yaba uruhande rwa Repubulika ya Demokarasi ya Congo na Uganda ntacyo baravuga kuri aya makuru.
Uganda yo ivuga ko Ingabo ifite muri iki gihugu, ari izajyiye kurwanya umutwe wa ADF ukunze gushaka guhungabanya umutekano wayo.
Uganda nayo yigeze gushinjwa kuba inyuma y’umutwe wa M23, ariko ibihakana yivuye inyuma.
