Kuri uyu wa Kabiri tariki 20 Gashyantare 2024, mu Ntara ya Kivu y’Amajyaruguru muri Teritwari ya Masisi, hafi ya Bweramana umurwa mukuru wa Sheferi, haravugwa imirwano mishya hagati ya M23 n’abarwanyi ba Wazalendo.
Amakuru aturuka muri ako gace atangazwa n’uruhande rwa Leta, avuga ko imirwano yatangijwe mugitondo na M23 yibanze ku misozi ya Ndumba hafi ya Nyamubingwa (mu birometero nka 3 uvuye i Bweramana) na Kashungamutwe hafi ya Kabase (mu birometero nka 7).
Ahandi havugwa imirwano yazindutse mugitondo cyo kuri uyu wa 20 Gashyantare, ihanganishije M23 na FARDC ifatanyije na Wazalendo ku musozi wa Ndumba ku muhanda wa Shasha-Nyamubingwa.
