M23 yemeje amakuru yacicikanaga ku mbuga nkoranyambaga avuga ko igisirikare cya Leta ya Congo FARDC cyagabye igitero kuri M23 kigahitana abayobozi babiri bakomeye bo mu mutwe wa M23.
Umutwe wa M23 washyize hanze itangazo ryemeza ko abasirikare bawo babiri bari mu bakomeye biciwe mu gitero kidasanzwe cyagabwe na Leta ya Kinshasa banatangaza ikigiye gukurikiraho.
Amakuru yari yazindutse akwirakwizwa ku mbuga nkoranyambaga yavugaga ko ejo hashize mu gihe cya saa sita indege zitagira aba pilote za FARDC (za drones) zarashe ushinzwe ubutasi mu mutwe wa M23 witwa Col Castro na mugenzi we Col Bahati.
M23 yemeje ayo makuru inavuga ko igiye gusubiza ibyo bitero kuko Leta ya Kinshasa ikomeje kubangamira agahenge M23 yo yubahiriza.
