Umugabo wo mu karere ka Nyanza bikekwa ko yapfuye azize inyama yamunize agahera umwuka.
Byabereye mu Mudugudu wa Kigarama, mu Kagari ka Kibinja mu Murenge wa Busasamana mu karere ka Nyanza tariki ya 01 Mutarama, 2024.
Uwatanze amakuru wanabonye nyakwigendera, yavuze ko yari mu kigero cy’imyaka 50 y’amavuko.
Uyu ngo yatumiwe na mushiki we ngo basangire umunsi mukuru w’Ubunani, ubwo barimo bafata amafunguro, yariye inyama imuhagama mu muhogo yanga kumanuka.
Uwatanze amakuru avuga ko yagerageje kuyigarura biranga, bafata icyemezo cyo kumujyana kwa muganga agezeyo ahita apfa.
Amakuru avuga ko nyakwigendera yashyinguwe kuri uyu 02 Mutarama, 2024.
Twageragejeje kuvugisha ubuyobozi bw’Akarere ka Nyanza ariko ntibyadushobokeye.
