Umukobwa witwa Rehema Chao wari ufite ubukwe ku wa Gatandatu tariki 02 Ukuboza 2023, yaguye mu mpanuka ari kumwe na nyina bavuye mu birori byo gusezera ku bukumi bizwi nka Bridal shower, iyo mpanuka yabereye mu Karere ka Mwanga mu gihugu cya Tanzania.
Amakuru aravuga ko uyu Rehema Chao w’imyaka 37 y’amavuko ariwe wari utwaye imodoka ari kumwe na nyina nawe waguye muri iyi mpanuka abandi bavandimwe be babiri barakomereka, ubwo bari bavuye mu birori byo gusezera ku bukumi bwe mu gace ka Morogoro.
Uyu mukobwa wari utwaye ngo yashatse guhunga icyobo cyari mu muhanda, ahita agongana n’indi modoka we na nyina bahita bitaba Imana, abavandimwe be babiri barakomereka bikabije bahita bajyanwa mu bitaro kwitabwaho n’abaganga.
Rehema Chao yari asanzwe ari umwarimu muri Segonderi y’ahitwa Sua mu Ntara ya Morogoro, yakoze impanuka ku wa Kabiri tariki 28 Ugushyingo 2023, ubwo yari mu myiteguro y’ubukwe bwe bwari kuzaba tariki 02 Ukuboza 2023.
