Sindisiwe Chikunga, Minisitiri w’Ubwikorezi muri Afurika y’Epfo, yatangaje ko aherutse gutegwa n’amabandi yari afite imbunda amwambura ibyo yari afite byose.
Minisitiri Chikunga yatangaje ko byamubayeho ku wa Mbere tariki 06 Ugushyingo 2023, ubwo yari ahagaze gato mu muhanda ari guhindura ipine ye y’imodoka yari yapfumutse.
Mu byo Minisitiri yibwe harimo imbunda yari ifitwe n’umurinzi we, mudasobwa ndetse na telefone.
Minisitiri Chikunga yatangaje ko nubwo yarokotse ubu bujura yakorewe, yasigaranye ihungabana.
Afurika y’Epfo ni igihugu kigira umubare munini w’ibyaha bikorerwa mu muhanda cyane iby’ubujura, ariko ni ubwambere bikorewe umuyobozi nk’uyu ukomeye.
