Mu burasirazuba bwa Niger igitero cyagabwe ku modoka ya Gisirikare n’ibyihebe by’Abajihadisite cyahitanye abasirikare bo mu ngabo z’Igihugu bagera kuri 29.
Iki gitero bivugwa ko cyagabwe n’Abajihadisite mu burasirazuba bwa Nigeri byatangajwe na Minisiteri y’Ingabo bavuga ko icyo gitero cyagabwe ku modoka yari itwaye abasirikare, barasa iyo modoka hapfiramo abagera kuri 29.
Ubu bwicanyi bw’ibyo byihebe bukunze kuvugwa mu bihe bitandukanye dore ko ibi byihebe bikambitse ku mupaka wa Niger, Mali na Brukina Faso.
Televiziyo y’Igihugu cya Niger yatangaje ko ibyo byihebe byageraga ku 100 byagabye igitero ku ngabo z’Igihugu bakoresheje intwaro zitandukanye.
Muri iki gihugu hari haherutsa kugabwa ikindi gitero mu kwezi gushize kwa Nzeri hapfa ba 7 mu ngabo za Niger.
