Mu mukino waraye ubaye wa La Liga, shampiyona ya Esipanye, myugariro kabuhariwe Sergio Ramos, yitsinze igitego kimwe rukumbi cyahesheje intsinzi FC Barcelona byari byayigoye.
Ni umukino wari ukomeye cyane ku buryo ikipe ya FC Seville yitendetse kuri FC Barcelona aho abantu benshi babonaga ko igishoboka yakora ari ukunganya, igacyura inota rimwe igatakaza abiri, gusa Sergio Ramos yaje kwitsinda igitego cyahesheje intsinzi iyi kipe ku munota wa 76.
Muri uyu mukino umukinnyi ngenderwaho, wa FC Barcelona, umunya-Brazil Raphinha yaje gukomerekera muri uyu mukino, aho hategerejwe kumenya igihe azamara hanze adakina.
Umukinnyi Yamal, ni we wari wagoye ikipe ya FC Seville, aho ari nawe wabaye intandaro y’igitego, aho Ramos yagowe no kugarura umupira Yamal yari ateye bikavamo igitego.
Kugeza ubu ikipe ya FC Barcelona n’ubundi ifite igikombe cya shampiyona ya Esipanye, ni yo iri kumwanya wa mbere n’amanota 20, aho ikurikiwe na Girona, n’amanota 19, ku mwanya wa 3, hakaba Real Madrid, n’amanota 18.
