Irushanwa ry’umupira w’amaguru ryateguwe n’Umurenge SACCO ICYEREKEZO MUSHISHIRO rigeze muri 1/2 aho amakipe ane azakina iki cyiciro yamaze kumenyekana.
Ni kuri uyu wa Gatatu tariki ya 06 Nzeri 2023, ubwo imikino isoza amatsinda yakinwaga mu mvura nyinshi ariko itakanze abakinnyi.
Umukino wahuje Leopard FC na Rwigerero warangiye Rwigerero inyagiye Leopard FC yari yasuguye umukino ikinisha ikipe ya 2, maze ikubitwa ibitego 6 kuri 2.
Umukino wa kabiri wagombaga guhuza ikipe ya Motar FC na RWASARE warangiye kuri mpaga yatewe RWASARE kuko itigeze igaragara ku kibuga.
Umukino wundi w’ishiraniro wabereye ku kibuga cyo mu Giperefe wahuje Matyazo na Rukaragata, warangiye amakipe anganyije igitego 1 kuri 1.
Kugeza ubu mu:
Itsinda A
1. Motar FC, amanota 7 n’ibitego 4 izigamye
2. Rukaragata, amanota 5 n’ibitego 5 izigamye.
3. Matyazo, amanota 4 nta gitego izigamye nta n’umwenda w’ibitego ifite.
4. Rwasare, amanota 0 n’umwenda w’ibitego 9.
Itsinda B
1. Leopard FC, amanota 6 n’ibitego n’umwenda w’igitego 1.
2. Rwigerero, amanota 4 n’ibitego 3 izigamye.
3. Munazi, amanota 4 n’umwenda w’igitego 1.
4. Nyagasozi, amanota 2 n’umwenda w’igitego 1.
Muri 1/2 amakipe azahura ku wa gatatu tariki ya 13 Nzeri 2023, ku buryo bukurikira;
Motar FC- Rwigerero, saa munani ku kibuga I Nyanza
Leopard FC- Rukaragata, saa kumi ku kibuga I Nyanza.
