Nord Kivu: M23 yigaruriye Umujyi wa Lunyasenge

Igisirikare cya Repubulika Iharanira Demokarasi ya Congo, FARDC, cyatangaje ko abarwanyi ba AFC/M23, bigaruriye Umujyi wa Lunyasenge uherereye muri Gurupoma ya Musindi mu Ntara ya Kivu y’Amajyaruguru.

Ubuyobozi bw’ibikorwa bya gisirikare bya Sikola I muri Grand Nord, bwasohoye itangazo rigenewe abanyamakuru, rivuga ko AFC/M23 yarenze nkana ku ihagarikwa ry’imirwano ndetse n’ingamba zose zafatiwe mu biganiro bya Doha muri Qatar.

Itangazo rikomeza rivuga ko FARDC ifite uburenganzira bwo kwihorera mu gihe AFC/M23 yaba ikomeje ibikorwa by’iterabwoba.

Iki gitero kivugwa cyagabwe mu Mujyi wa Lunyasenge, mu mpere z’icyumweru gishize.