Gen. Muhoozi yashimuse utavuga rumwe n’ubutegetsi amwogosha ubwana

Eddie Mutwe uri mu batavuga rumwe n’ubutegetsi bwa Uganda, wari waraburiwe irengero afitwe n’Umugaba Mukuru w’Ingabo za Uganda, Gen Muhoozi Kainerugaba.

Gen Muhoozi yemeje ko ariwe ufite Eddie Mutwe usanzwe ukorana bya hafi na Robert Kyagulanyi wamenyekanye nka Bobi Wine, bombi bahuriye mu ishyaka NUP, ritavuga rumwe n’ubutegetsi bwa Perezida Yoweri Kaguta Museveni.

Ku wa 27 Mata 2025, nibwo Bobi Wine yatangaje ko Eddie Mutwe yaburiwe irengero, nyuma yo gushimutwe n’abasore bambaye impuzankano  z’umutwe udasanzwemu gisirikare cya Uganda (SFC), bamukuye mu Karere ka Mukono.

Gen. Muhoozi yasubije Bobi Wine, amubwira ko ariwe ufite Eddie Mutwe.

Yagize ati: “Ari mu nyubako yanjye yo hasi (Basement). Ari kwiga Ikinyankore. Ni wowe utahiwe.”

Gen. Muhoozi akomeza avuga ko Eddie Mutwe agifatwa yahise yogoshwa ubwanwa.

Akomeza agira ati: “Ubwanwa nicyo kintu cyambere abasore bamukuyeho. Nyuma yo kurangiza kurira no kunyara.”

Ubu butumwa bwa Gen. Muhoozi bwari bukurikiwe n’ifoto igaragaza Eddie Mutwe yicaye ahantu hasi ndetse yogoshe ubwanwa.

Gen. Muhoozi amaze iminsi ahanganye na Bobi Wine ukunze kumwibasira we na Perezida Museveni.