Igisirikare cy’u Rwanda cyatangaje amazina y’abasirikare bafite ipeti rya Jenerali basezerewe mu ngabo z’igihugu barimo Maj Gen (Rtd) Wilson Gumisiriza.
Aba basirikare bafite ipeti rya Jenerali ni 9 barimo MAJ GEN ANDREW KAGAME, MAJ GEN WILSON GUMISIRIZA, BRIG GEN JOSEPH DEMALI, BRIG GEN FRED MUZIRAGUHARARA, BRIG GEN JAMES RUZIBIZA, BRIG GEN FRANK MUTEMBE, BRIG GEN PASCAL MUHIZI, BRIG GEN NELSON RWIGEMA na BRIG GEN JEAN PAUL KARANGWA.
Perezida Paul Kagame Umugaba Mukuru w’Icyirenga yemeje ko aba basirikare bakuru bajya mu kiruhuko cy’izabukuru nk’uko RDF ibivuga.
Abandi bagiye mu kiruhuko cy’izabukuru ni ba Ofisiye bakuru 120, ba Ofisiye bato 26 n’abandi basirikare bafite amapiti atandukanye 927.
Ku mugoroba wo ku wa Mbere nibwo ku cyicaro gikuru cy’ingabo z’u Rwanda, Kimihurura habereye ibirori byo gusezerera aba basirikare bafite amapeti yo hejuru, banahabwa certificat y’uko bakoreye neza igihugu.
