Kuri uyu wa Kane taliki 09 Mutarama 2024, umutwe wa M23 wisubije Centre ya Masisi, nyuma y’amasaha make uyambuwe n’Ihuriro ry’Ingabo za Leta ya Congo.
M24 yari yigaruriye Centre ya Masisi ku wa Gatandatu taliki 04 Mutarama 2024, gusa ku wa Gatatu taliki 08 Mutarama yaje kutivanwamo n’Ingabo za Leta ya Congo, FARDC.
Mu masaha y’igitondo cyo ku wa Kane taliki 09 Mutarama, M23 yari ku musozi wa Rushebere yongeye kwisubiza Centre ya Masisi, nyuma yo kuyirukanamo FARDC n’abarwanyi b’imitwe ya FDLR na Wazalendo bafatanya na yo mu ntambara.
Si imirwano yo kwigarura Centre ya Masisi yabaye ku wa Kane gusa, ahubwo hanumvikanye imirwano yari ihanganishije impande zombi yabereye ku misozi ikikije agace ka Bweramana muri Gurupoma ya Mupfunyi Shanga ndetse no mu gace ka Mweso gaherereye muri Gurupoma ya Bashali Mokoto.
Indi mirwano kandi yumvikanye muri Teritwari ya Lubero.
