Umusirikare Mukuru wo mu ngabo za Repubulika Iharanira Demokarasi ya Congo, FARDC, ufite ipeti rya Colonel witwa Gilbert Ekombe Bongilima, we n’igice kinini cy’ingabo yari ayoboye, biyunze ku mutwe wa M23.
Col. Bongilima yari asanzwe ari umuyobozi wa regiment ya 137 ya FARDC ikorera muriT eritwari ya Walikale muri Groupement ya Luberiki.
Amakuru avuga ko ku wa Mbere taliki 28 Ukwakira 2024, ari bwo uyu musirikare mukuru, n’abandi basirikare 90 yari abareye umuyobozi, biyunze kuri M23.
Hashize iminsi irenga 7 M23 yinjiye muri Teritwari ya Walikale aho igenzura ibice bitandukanye.
Kuva ku wa Mbere w’iki cyumweru, umutwe wa M23 wegereye agace ka Pinga aho ukomeje kurwanira n’ihuriro ry’ingabo zirwana ku ruhande rwa Leta Kinshasa.
Amakuru avugwa yemeza ko ingabo za M23 ziri ahitwa Bitende, hejuru neza ya Centre ya Pinga.
