Uyu munsi tariki ya 11 Gicurasi 2024, Koperative Umwalimu SACCO wakomeje igikorwa cyo kwegera abanyamuryango bayo mu mirenge batuyemo, aho abanyamuryango bo mu turere twa Kicukiro, Nyarugenge na Gasabo basobanuriwe serivisi n’imikorere bya koperative yabo.
Bwana Assiimwe S. Robert, Umuyobozi w’ishami ry’ubucuruzi n’imenyekanishabikorwa mu MwalimuSacco yasobanuriye abanyamuryango bo mu Karere ka Kicukiro amavu n’amavuko, amateka n’imikorere bya koperative yabo.
Ati ” Ikituraje ishinga ni ukuzamura imibereho ya Mwarimu/Umunyamuryango.”
Bwana Assiimwe yakomeje ababwira ko MwalimuSacco iri gushyira imbaraga mu ikoranabuhanga kugira ngo irusheho gutanga serivisi nziza ku banyamuryango bayo, yongeraho ko intego ari uko serivisi zayo zose ziboneka ku ikoranabuhanga hagamijwe ko ziboneka ku buryo byoroshye.
Naho Bwana NGIRABAGENZI Christophe, umukozi ushinzwe ubusesenguzi bw’inguzanyo mu MwalimuSacco yabasobanuriye byimbitse ibirebana n’inguzanyo zitangwa n’Umwalimu SACCO, abagaragariza by’umwihariko ibikatwa ku nguzanyo ndetse n’ibikatwa kuri konti buri kwezi muri rusange.
Bwana NGIRABAGENZI yakomeje abashishikariza gukora imishinga ibyara inyungu hanyuma bakagana Mwalimu Sacco ikabaha inguzanyo z’ubucuruzi hagamijwe kwihutisha iterambere ryabo.
Ati: “Turashaka ko mwaguka, mugakora ibindi bikorwa bibinjiriza aho gushingira ku mushahara wonyine”
Abanyamuryango batandukanye ba
bahawe umwanya babaza ibibazo ndetse bahabwa ibisubizo, baboneyeho kandi umwanya wo gutanga ibyifuzo n’ibitekerezo by’uko serivisi zarushaho kunozwa.
Mu Karere ka Kicukiro ubu bukangurambaga buri bwabereye mu Mirenge ya Gikondo,Gatenga,Kigarama,Niboye, Kagarama,Gahanga na Kicukiro;
Mu Karere ka Nyarugenge bwabereye
mu Mirenge ya Nyarugenge na Nyamirambo.
Mu gihe mu Karere ka Gasabo bwabereye mu Mirenge irenge ya Kimironko, Remera, Bumbogo, Gikomero na Rutunga.
