Afurika y’Epfo Polisi yaho yeretse Polisi z’ibindi bihugu ubutumwa bwo kutajenjekera amabandi 18 bahasiga ubuzima.

Muri Afurika y’Epfo Mu Ntara ya Limpopo Polisi yarashe abantu 18 bacyekwaho kuba mu gatsiko k’amabanda gakurikira Imodoka zitwaye amafaranga.

Ibi byabaye ku wa gatanu, aka gatsiko katezwe igico, habaho guhangana kw’aka gatsiko na Polisi kwatumye abagera kuri 18 bahasiga ubuzima.

Fannie Masemola Komiseri wa Polisi muri ako gace yatangaje ko uko kurasana kwamaze isaha. RFI yatangaje ko muri 18 bapfuye harimo abagore babiri.

Biravugwa ko aka gatsiko kari kamaze igihe gakurikira izi modoka ka kazambura amafaranga, Polisi yari imaze igihe igakoraho iperereza.

Mu mwaka washize na bwo Polisi yarashe abantu icumi mu buryo busa nk’ubu, bakekwagaho kuba amabandi.

SRC:Igihe